Një ngjarje e rëndë e shqyrtuar në Gjykatën e Kurorës së Londrës së Brendshme ka sjellë në vëmendje akuzat ndaj dy shtetasve afganë, të cilët poballen me dhjetëra akuza për vepra penale seksuale, përfshirë dhunimin e një të miture me autizëm brenda një treni në Britani të Madhe. Të pandehurit i kanë mohuar pretendimet e ngritura ndaj tyre.
Sipas hetimeve, ngjarja ka ndodhur në muajin shkurt gjatë një udhëtimi hekurudhor drejt kryeqytetit britanik. Të dyshuarit, një 25-vjeçar dhe një 29-vjeçar, dyshohet se e kishin vënë re viktimën në një stacion në Kent, pasi ajo ishte larguar nga banesa e saj, dhe më pas e kishin ndjekur për në vagon.
Gjatë procesit gjyqësor është shfaqur dëshmia e regjistruar e viktimës, e cila ka treguar se pasagjerët e tjerë nuk kishin reaguar ndaj situatës. E mitur ka shpjeguar se ndiente frikë të madhe nga dy të rriturit dhe se ishte ndier e pafuqishme për të kundërshtuar kërkesat e tyre gjatë udhëtimit.
Në mbrojtjen e tyre, të pandehurit kanë paraqitur versione të ndryshme, ku njëri prej tyre ka pretenduar se viktima kishte deklaruar se ishte e moshës më të madhe dhe se çdo veprim kishte qenë me pëlqim, ndërsa i pandehuri tjetër ka hedhur poshtë kategorikisht përfshirjen në veprat penale.
