Një situatë e tensionuar ka ndodhur gjatë orëve të vona të mbrëmjes së kaluar brenda shtëpisë së njohur televizive, ku protagonistë janë bërë reperi Fuego dhe gazetarja Anjeza Gubetini. Gjatë një diskutimi në dhomën e gjumit, të dy konkurrentët janë përfshirë në një përplasje verbale me tone të ngritura.
Gjatë shkëmbimit të fjalëve, gazetarja i është afruar reperit, duke i deklaruar se ajo e njeh mirë të kaluarën dhe të gjithë rrugëtimin e tij profesional. Afrimi fizik dhe tonet e larta kanë bërë që situata të rrezikojë përshkallëzimin e mëtejshëm.
Për të shmangur tensionet e mëdha dhe për të qetësuar gjendjen, ka ndërhyrë banorja tjetër, Zoja Nushi. Ajo ka ndërhyrë në kohë për t’i ndarë dhe për të parandaluar ndonjë përplasje më të madhe mes tyre. Ngjarja ka marrë vëmendjen e pjesës tjetër të shtëpisë, ndërsa mbetet për t’u parë nëse ky mosmarrëveshje do të ketë vazhdimësi në ditët në vijim.
