E ngarkuara me punë e Shteteve të Bashkuara të Amerikës në Prishtinë, Anu Prattipati, ka zhvilluar një takim zyrtar me Zëvendëskryeministrin e Parë të Kosovës, njëherësh Ministër i Punëve të Jashtme dhe Diasporës, Glauk Konjufcën.
Sipas njoftimit të lëshuar nga Ambasada amerikane, në qendër të bisedimeve mes dy zyrtarëve kanë qenë temat kyçe që lidhen me partneritetin dypalësh ndërmjet dy shteteve.
Gjatë këtij takimi, palët kanë shkëmbyer mendime mbi mundësitë e zgjerimit dhe forcimit të bashkimit diplomatik. Po ashtu, është diskutuar edhe rreth avancimit të interesave të përbashkëta në sektorë të ndryshëm, me theks të veçantë në diplomacinë tregtare, ruajtjen e stabilitetit rajonal dhe çështjet e sigurisë.
