Majoneza njihet kryesisht si një përbërës i shijshëm në kuzhinë, por ky produkt ka edhe disa funksione të tjera praktike që ndihmojnë në situata të ndryshme të përditshme, qoftë në kujdesin personal apo në mirëmbajtjen e shtëpisë.
Për personat që kanë thonj të brishtë dhe që çahen shpesh, zhytja e majave të gishtërinjve në një enë me majonezë për pesë minuta mund të shërbejë si një trajtim efikas. Ky proces ndihmon në forcimin e thonjve dhe zbutjen e kutikulave.
Gjithashtu, kombinimi i majonezës me një lugë çaji vaj ulliri shërben si një maskë ushqyese për lëkurën e tharë. Përzierja mbahet për dhjetë minuta në lëkurë dhe më pas pastrohet lehtësisht me një leckë të lagur.
Në raste të djegieve nga dielli, majoneza mund të ndihmojë në qetësimin e dhimbjeve nëse përzihet me pak uthull, e cila vepron si një qetësues natyral për lëkurën e irrituar.
Përveç këtyre, ky produkt mund të shërbejë edhe si pastrues argjendi, balsam flokësh, si dhe ndihmon në largimin e çamçakëzve apo mbetjeve të ngjitësit nga sipërfaqe të ndryshme.
