Sipas raportit të dhënë në Stacionin Policor Qendra më 29 tetor nga K. Xh, përfaqësues i Aleancës për Ardhmërinë e Kosovës (AAK), është identifikuar një profil aktiv në Facebook me emrin “Besim Kelmendi”. Në përshkrimin e tij shënohet fraza “Detyra: vrasja e vëllëzërve Haradinaj”, e cila ka ngjallur shqetësime serioze për kanosje dhe nxitje të urrejtjes.
Pas denoncimit në polici, autoritetet e informuara janë transferuar çështjen te Prokuroria Speciale e Republikës së Kosovës, e cila ka urdhëruar fillimin e hetimeve për krimin “Nxitja e përçarjes dhe mosdurimit”. Hetimet e kryera deri tani fokusohet në identifikimin e personit që administron profilin, pasi identiteti i tij ende nuk është konfirmuar.
Prokuroria ka theksuar se, nëse do të vërtetohet se përmbajtja ka për qëllim nxitjen e dhunës, përgjegjësi penale mund të ndiqet sipas ligjit. Deri në këtë moment, hetuesit vazhdojnë të mbledhin prova për të përcaktuar rrethanat dhe autorin e mesazhit.
