Autoritetet kanë arrestuar sipërmarrësin serb Davor Macura, i cili është pronar i Alta Bankës dhe njihet për afërsinë e tij me Partinë Progresive Serbe. Ky veprim ka ardhur pas një kontrolli intensiv policor që zgjati mbi 30 orë në ambientet e kësaj banke.
Vendimi për ndalimin e tij pason zhvillimet e fundit kur Banka Kombëtare e Serbisë i revokoi licencën institucionit financiar, duke hapur rrugën për procedurat e falimentimit. Këto masa u ndërmorën menjëherë pas zgjedhjeve parlamentare të 25 tetorit.
Sipas të dhënave operative, ekzistojnë dyshime se pas përfundimit të zgjedhjeve, banka ka tentuar të nxjerrë dhjetëra miliona euro jashtë shtetit, duke i drejtuar drejt tregut rus dhe atij të Maqedonisë së Veriut.
