Gjatë ditës së sotme janë planifikuar një varg ngjarjesh dhe paraqitjesh publike në vend, me rastin e shënimit të dhjetëvjetorit të ndarjes nga jeta të Astrit Deharit. Programi përkujtimor përfshin aksione humanitare, tubime dhe akademi që do të shtrihen nga orët e para të mëngjesit deri në mbrëmje.
Agjenda filloi në orën 09:30 me homazhe pranë varrit të tij në fshatin Zllatar. Më pas, në zyrat e sekretariatit të Lëvizjes Vetëvendosje në kryeqytet, është organizuar një aksion për dhurimin vullnetar të gjakut, ndërsa në orën 11:00, familjarët e të ndjerit bashkë me avokatin Tomë Gashi do të mbajnë një konferencë për media para objektit të Prokurorisë Speciale.
Përveç këtyre, programi vazhdon me një bashkëbisedim me studentët në amfiteatrin e Fakultetit të Mjekësisë dhe hapjen e një ekspozite dedikuar veprimtarisë së tij. Gjatë pasdites dhe mbrëmjes janë parashikuar një akademi përkujtimore në kinemanë vendase, ndezja e qirinjve pranë muralit kushtuar atij, si dhe një natë e dedikuar kujtimeve nga shokët dhe shoqet e ngushta.
