Studentët e Universitetit të Mitrovicës së Veriut, pas triumfit të “Listës së Studentëve”, kanë ngritur dyshime se dokumente zyrtare të institucioneve paralele serbe po shkatërrohen në Kosovë.
Sipas tyre, shkatërrimi po ndodh në Qendrën Klinike Spitalore në Mitrovicë të Veriut dhe në disa institucione të përkohshme komunale. Institucionet e mbyllura më herët nga autoritetet kosovare, të financuara nga buxheti serb, përfshijnë Bankën Postare të Kursimeve, Postën e Serbisë, Fondin për Sigurimin Pensional dhe Invalid, Thesarin e Bankës Popullore të Serbisë dhe qendrat për punë sociale.
29 tetor, prokurorja e lartë publike e Serbisë, Zagorka Dollovac, dërgoi një udhëzim për të gjithë prokuroritë e larta që të informojnë menjëherë policinë për të marrë masa parandalimi kundër shkatërrimit të dokumenteve zyrtare dhe dosjeve të tjera. Udhëzimi përmend shkatërrimin në institucione shtetërore, banka, Agjencinë e Sigurisë dhe Informacionit, Agjencinë e Inteligjencës Ushtarake dhe organizata të tjera me rëndësi për sigurinë ekonomike, financiare dhe juridike të Serbisë.
Radio Evropa e Lirë iu drejtoi zyrës së prokurorit të lartë publike në Serbi pyetjen se si do të verifikojnë këto dyshime, por deri tani asnjë përgjigje nuk është marrë.
