Një aksion i Policisë së Kosovës në fshatin Kleçkë të Zubin Potokut on ka rezultuar me zbulimin e një arsenali armësh të fshehura brenda një hambari. Gjatë kontrollit, autoritetet kanë sekuestruar pesë armë zjarri të llojeve të ndryshme, municion dhe pajisje përcjellëse.
Sipas informacioneve të siguruara nga terreni, njësitë e reagimit të shpejtë ndërhynë në lokacionin e caktuar, ku në brendësi të objektit u gjetën një armë automatike me numër serik të dëmtuar, një pushkë gjuetie ruse pa numër, dy pushkë të tjera gjuetie dhe një pistoletë. Po ashtu, u sekuestruan dhjetëra fishekë, karikatorë dhe mjete optike.
Në vendin e ngjarjes janë gjetur edhe dokumente personale që dyshohet se i përkasin një 67-vjeçari, i cili nuk është ndodhur në shtëpi gjatë kontrollit dhe ende nuk është kapur nga autoritetet. Prokuroria e Shtetit ka nisur hetimet për veprën penale të mbajtjes së paautorizuar të armëve, ndërsa po vazhdojnë verifikimet për të sqaruar plotësisht rrethanat dhe pronësinë e armatimit të sekuestruar.
