Inspektorati Policor i Kosovës (IKP) ka bërë publike gjetjet e një hetimi preliminar lidhur me dështimin e Policisë së Kosovës në menaxhimin e rastit të Arlinda Zekajt.
Sipas IKP-së, në rastin janë evidentuar shumë shkelje. Njëra prej tyre ka të bëjë me zinxhirin komandues në Stacionin e Policisë në Pejë, i cili nuk ka trajtuar një e-mail të dërguar nga një hetues policor.
Në e-mailin e datës 23 tetor 2026, hetuesi kishte kërkohur vlerësim të rastit dhe ndihmë në kapacitete. Ai kishte çmuar se, gjatë kohës kur Arlinda Zekaj ndodhej në shtëpi, patrullat e uniformuara policore duhej ta vizitonin dhe të komunikonin më shpesh me të. Qëllimi ishte evidentimi i gjendjes brenda shtëpisë.
IKP ka përfshirë mostrajtimin e kësaj shkrese nga zinxhiri komandues mes gjetjeve të hetimit preliminar.
