Rusia po finalizon ngritjen e një kompleksi të gjerë radarësh brenda enklavës së saj të militarizuar të Kaliningradit. Kjo strukturë masive përfshin tre krahë rrezatues me gjatësi më të madhe se 500 metra secili dhe është projektuar për t’u shërbyer nevojave ushtarake dhe të inteligjencës së Moskës në këtë pjesë.
Edhe pse autoritetet ruse nuk kanë dhënë konfirmim zyrtar, ekspertët e sigurisë bëjnë me dije se radari i ri mbi horizontin, i vendosur pranë Gvardeysk-ut, do të ofrojë një rreze vëzhgimi që arrin rreth 3,000 kilometra. Ky sistem do të mbulojë një hapësirë të gjerë që përfshin territorin evropian dhe Ukrainën, duke u mundësuar autoriteteve atje të gjurmojnë lëvizjet e avionëve, të përgjojnë komunikimet satelitore dhe të zbulojnë raketa balistike.
Analistët vënë në dukje se ky projekt synon të përmirësojë paralajmërimin e hershëm dhe të mbyllë boshllëqet në kapjen e objekteve fluturuese në lartësi të ulëta. Nga ana tjetër, vendet e rajonit dhe organizatat e mbrojtjes po marrin masa shtesë për të forcuar infrastrukturën e mbikëqyrjes dhe monitorimit përgjatë kufijve lindorë.
