Keku me portokall është një ëmbëlsirë klasike, e lehtë për t’u bërë dhe e përshtatshme për mëngjes ose për t’u shoqëruar me një filxhan kafe. Aroma e portokallit dhe teksturë e butë e bëjnë të pëlqyer për të gjithë familjen.
Përbërësit: 3 vezë, 180 g sheqer, 120 ml vaj, 150 ml lëng portokalli të freskët, lëkurën e grirë të një portokalli, 250 g miell, një pako pluhur pjekës (rreth 10-12 g), një pako vanilje dhe një majë luge krip. Për dekorim mund të përdorni sheqer pluhur, sipas dëshirës.
Përgatitja: Në një enë rrihni vezët me sheqerin derisa masa të bëhet e çelët dhe kremoze. Pastaj shtoni vajin, lëngun dhe lëkurën e grirë të portokallit dhe përziejini mirë.
Më pas shtoni miellin e situr, pluhurin pjekës, vaniljen dhe kripën. Përzieni derisa brumi të bëhet homogjen.
Hidheni masën në një tavë të lyer me pak vaj dhe miell. Piqeni në furrë të parangrohur në 180°C për rreth 35-45 minuta, derisa keku të marrë ngjyrë të artë. Kur ta shponi në qendër me një kunj druri, ai duhet të dalë i pastër.
Kur keku të ftohet, spërkateni me sheqer pluhur. Nëse dëshironi, zbukurojeni me feta të holla portokalli.
