Bayern Munich ka shfaqur interesim serioz për Rio Ngumohan, futbollistin 17-vjeçar të Liverpoolit, dhe është i gatshëm të ofrojë rreth 60 milionë funte për të.
Sipas gazetarit të “The Telegraph”, Sam Dean, klubi gjerman e konsideron Ngumohan një nga talentet më premtuese të futbollit evropian. Bayerni e ka shqyrtuar mundësinë e transferimit të tij.
Liverpooli, megjithatë, nuk ka ndërmend ta lëshojë lojtarin e ri. Klubi anglez ka refuzuar edhe të fillojë bisedimet për një shitje të mundshme.
Ngumoha ka tërhequr vëmendjen me paraqitjet dhe potencialin e tij. Interesimi i një klubi si Bayerni tregon se vlerësimi për të ka arritur edhe në nivel ndërkombëtar.
Ndërkohë, përfaqësuesit e futbollistit janë në bisedime me drejtuesit e Liverpoolit për nënshkrimin e një kontrate të re. Ajo do të pasqyronte rëndësinë dhe rolin e tij në rritje te klubi anglez.
Liverpooli synon ta sigurojë të ardhmen e Ngumohas, pavarësisht ofertës së madhe nga kampioni gjerman.
