Sulmuesi brazilian Estevao po shqyrton mundësinë e largimit nga Chelsea gjatë afatit kalimtar të janarit, pasi është i pakënaqur me kohën e pakët që po merr në fushë.
Në ndeshjen e mbrëmshme të Carabao Cup kundër Liverpoolit, trajneri Xabi Alonso nuk e përdori talentin e ri, edhe pse mungonin Joao Pedro dhe Cole Palmer. Estevao u la sërish në stol.
Situata e tij te “Blutë” po bëhet gjithnjë e më shqetësuese. Këtë sezon ai ka luajtur vetëm 163 minuta, prej të cilave 125 në raundet e mëparshme të këtij kompeticioni.
Mungesa e hapësirës dhe humbja e besimit te trajneri e kanë shtyrë brazilianin të mendojë për një ndryshim.
Sipas raportimeve, interesimi për shërbimet e tij është i madh. Disa klube të Premier League dhe ekipe të ligave të tjera elitare po e përcjellin nga afër situatën e tij.
Chelsea e transferoi nga Palmeiras verën e vitit 2025 për 60 milionë euro. Deri tani, megjithatë, Estevao nuk ka arritur të sigurojë rolin dhe minutat që priteshin prej tij.
