Autoritetet në Rusi kanë marrë masën e mbylljes së përkohshme të parkut-muze Tsaritsyno, që ndodhet në pjesën jugore të kryeqytetit rus, si pasojë e sinjalizimeve për rrezik të mundshëm terrorist. Objektivi u bë sërish i qasshëm për qytetarët dhe vizitorët gjatë ditës së diel.
Ky alarm u ngrit fillimisht nga Shtetet e Bashkuara të Amerikës dhe më pas u mbështet edhe nga autoritetet gjermane. Ambasada e Gjermanisë në Moskë u bëri thirrje shtetasve të saj përmes platformës së Ministrisë së Jashtme që të ruajnë vigjilzen dhe t’i shmangen vendeve me frekuentim të lartë njerëzish. Nga ana e saj, Ambasada e SHBA-së kishte paralajmëruar një ditë më parë për një rrezik specifik ndaj këtij kompleksi, pa dhënë detaje shtesë mbi natyrën e kërcënimit.
Shërbimi Federal i Sigurisë i Rusisë (FSB) konfirmoi se kishte pranuar të dhëna paraprake nga pala amerikane nëpërmjet kanaleve zyrtare të bashkëpunimit mes shërbimeve partnere. Sipas agjencisë shtetërore TASS, institucionet ruse ishte vënë në lëvizje për të ndërmarrë veprimet e nevojshme të sigurisë.
Ngjarja ka sjellë sërish në vëmendje sulmin e mëparshëm tragjik në sallën e koncerteve Crocus City Hall, ku një ngjarje e ngjashme ishte paralajmëruar nga Uashingtoni rreth dy javë para se të ndodhte. Kompleksi Tsaritsyno, i cili daton që nga viti 1775 si pronë e perandoreshës Katerina e Madhe dhe shtrihet në mbi 400 hektarë, tërheq çdo vit rreth dy milionë vizitorë. Autoritetet vendase nuk kanë zbuluar detaje të hollësishme rreth burimit apo specifikave të këtij kërcënimi të fundit.
