Stadiumi San Siro do të jetë plotësisht i mbushur për derbin e shtunës mes Milanit dhe Interit, një nga ndeshjet më të pritura të viteve të fundit. Ky derbi konsiderohet më i madhi lokal në botë.
Është dhënë leja për rihapjen e sektorëve qendrorë të unazës së tretë, në tribunat e gjelbra dhe blu. Këta sektorë kishin qenë të mbyllur që nga sezoni 2019/20 për arsye sigurie.
San Siro është stadiumi i përbashkët i dy skuadrave të Milanos. Me hapjen e këtyre sektorëve, stadiumi pritet të jetë i mbushur plotësisht për ndeshjen e shtunës.
