Edicioni i pestë i Big Brother VIP Kosova pritet të nisë zyrtarisht nesër, por produksioni i ka befasuar shikuesit duke e futur në shtëpi tre banorët e parë një ditë më parë.
Ata janë Arlinda Morina, e njohur si Liki, reperi Nichi dhe Antoneta Koçi. Të tre e kanë filluar tashmë përvojën e tyre në programin e njohur.
Antoneta Koçi është e njohur për publikun shqiptar, pasi më parë ka qenë pjesëmarrëse në programin e njohjeve “Për’puthen” dhe në një edicion të “Big Brother VIP Albania”.
Hyrja e parakohshme e tre konkurrentëve tregon një fillim të ndryshëm për sezonin e ri. Kjo mund të bëjë që dinamika e parë mes banorëve të zhvillohet para spektaklit zyrtar.
Ende nuk dihet se cilët do të jenë personazhet e tjerë që do t’i bashkohen shtëpisë gjatë mbrëmjes së hapjes.
Edicioni i ri pritet të sjellë përballje, aleanca dhe dinamika të reja mes konkurrentëve, të cilët do të jetojnë nën vëzhgimin e pandërprerë të kamerave.
