Halloween shënohet çdo vit më 31 tetor. Njihet për kostumet e frikshme, maskat, kungujt e gdhendur dhe dekorimet me simbole të ndryshme të frikës.
Origjina e kësaj feste lidhet me festivalin e lashtë keltik Samhain, që shënonte fundin e sezonit të korrjeve dhe fillimin e dimrit. Sipas besimeve të asaj kohe, gjatë kësaj nate kufiri mes botës së të gjallëve dhe botës së të vdekurve bëhej më i hollë.
Me kalimin e kohës, kjo traditë u ndërthur me festimet e krishtera dhe u shndërrua në Halloween-in që njihet sot.
Festa është veçanërisht e popullarizuar në Shtetet e Bashkuara, Kanada, Irlandë dhe Mbretërinë e Bashkuar. Vitet e fundit ajo është përhapur edhe në shumë vende të tjera.
Një nga traditat më të njohura është “Trick or Treat”. Fëmijët vishen me kostume dhe shkojnë derë më derë duke kërkuar ëmbëlsira.
Një simbol tjetër karakteristik i festës është kungulli i gdhendur, i njohur si “Jack-o’-lantern”.
